काभ्रे,
११३ औं अन्तराष्ट्रिय नारी दिवसको अवसरमा बनेपा नगरपालिकामा वक्तृत्वकला प्रतियोगिता आयोजना हुने भएको छ । यहि फाल्गुण २३ गते लैङ्गिक समानताको बलियो आधार, सिर्जनात्मक प्रविधिमा महिलाको पहुँच विस्तार’ भन्न्ने विषयमा वक्तृत्वकला प्रतियोगिता कार्यक्रमको आयोजना गरिने बनेपा नगरका प्रमुख शान्ति रत्न शाक्यले जानकारी दिनुभयो । दिवसकै अवसरमा नगरपालिकाले बिहान १०ः३० बजेबाट बनेपा नगरपालिकाको प्राङ्गणबाट प्रभातफेरी नगर परिक्रमा कार्यक्रम पनि आयोजना गरिएको नगरपालिकाका प्रमुख प्रशासकिय अधिकृत शिव प्रसाद हुमेगाईले जानकारी दिनुभयो । प्रतियोगितामा प्रथम हुनेले पाँच हजार रुपैंया, दोस्रो हुनेले चार हजार रुपैंया, तेस्रो हुनेले तिन हजार रुपैंया र सान्त्वनाले दुई हजार रुपैयाँ नगद पुरस्कार सहित पुरस्कृत गरिन बताईएको छ ।
