काभ्रे,
“लैंगिक समानताको बलियो आधार सिर्जनात्मक प्रविधिमा महिलाको पहँुचको विस्तार” भन्ने मुल नारा सहित नमोबुद्ध नगरपालिकाको आयोजनामा ११३ औं अन्तर्राष्ट्रिय नारी दिवस भव्यताका साथ आज सम्पन्न भएको छ। नमोबुद्ध नगरपालिकाको सभाहलमा आयोजित कार्यक्रममा, नगरप्रमुख कुन्साङ लामाले ११३ औं नारी दिवसको शुभकामना दिदै महिला दिदीबहिनीहरुको हक र अधिकारको सुनिश्चित गर्नको लागी नगरपालिक र सिंगो टिम एक्यबद्धता रहेको र स्थानिय क्षेत्रको विकास निमार्णको काम मा महिला सहभागिता हुनुपर्ने र महिलाले बिशेष निगरानी राख्नको लागी अनुरोध गर्दै महिला मुखी उपलब्धी मुलक योजना ल्याए नगर सहयोग लागी पछि नहट्ने समेत प्रतिबद्धता जाहेर गर्नु भयो। नगरको प्रमुख प्रशासकिय अधिकृत शिव प्रसाद लम्सालको सभापतित्वमा आयोजित कार्यक्रमा आफु हरेक कार्यक्रमहरुमा महिला सहभागितालाई अर्थपूर्ण बनाउन लागी पर्ने र महिला बिकास सामाजिक बिकासको महत्वपूर्ण पाटो रहेको र नमोबुद्ध नगर महिलामुखी योजना र बजेट नगर बनाउन आफु तत्पर रहेको बताउनु भयो। कार्यक्रमा बोल्दै उपप्रमुख रत्न लामाले शुभकामना दिनुहुदै नगर सदैव साथमा रहेको समेत बताउनु भयो।
नगरपालिकको महिला बालबालिका तथा समाजकल्याण उप–शााखाका प्रमुख तारा सुनुवारले सञ्चालन गर्नुभएको कार्यक्रममा नगरपालिकाका निवर्तमान उपप्रमुख रामदेवी तामाङ , नगर प्रवक्ता एंव वडा न. ६ का वडा अध्यक्ष टिका के. सी, नगर युवा परिषदका कार्यकारी उपाध्यक्ष रामेश्वर अधिकारी,नगर महिला संजालका अध्यक्ष राधिका तिमल्सिना, सेफ होमका अध्यक्ष देवकि खनाल, शिक्षाविद दिनेश अधिकारी, सामाजिक अभियन्ता शान्ता पाठक लगाएतले शुभकामना मन्तव्य राखेका थिए। कार्यक्रममा बिभिन्न महिला समुहबाट महिला सम्बन्धी गीत र कविता समेत प्रस्तुत गरेका थिए। कार्यक्रममा जन प्रतिनिधीहरु, बिधालयका प्र अ, महिला शहकारीका प्रतिनिधी, महिला समाजिक अभियन्ताहरुको उलेख्यनिय उपस्थिती रहेको नमोबुद्ध नगरपालिका शिक्षा शाखा समितीकी सदस्य मीना तामाङले बताउनुभयो ।
