शिक्षक स्वैच्छिक अवकाश कार्यक्रममा निवेदन पेश गर्ने सम्बन्धि रोशी गाउँपालिकाको सूचना

काभ्रे,
रोशी गाउँपालिका भित्रको अवकाशको अवधि पुगेका शिक्षकहरुले अब स्वेच्छिक अवकाश प्राप्त गर्न सकिने भएको छ । रोशी गाउँपालिकाको आर्थिक वर्ष २०७९÷८० को वार्षिक नीति तथा कार्यक्रम बमोजिम रोशी गाउँपालिका भित्र रहेका सामुदायिक विद्यालयहरुमा २० वर्ष वा सो भन्दा बढि समयदेखि शिक्षण पेसामा स्थायी रुपमा आवद्ध रहेर निवृत्तिभरण प्राप्त गर्न योग्य शिक्षकहरुप्रति उच्च सम्मान गर्दै शिक्षण पेसा मार्फत समाजमा पुर्याउनुभएको योगदानको कदर गर्र्दै “शिक्षक स्वेच्छिक अवकाश कार्यक्रम” मार्फत शैक्षिक गुणस्तर अभिवृद्धि गर्दै शिक्षण सेवामा नव प्रतिभालाई प्रोत्साहन गर्न निवृत्तिभरण प्राप्त गर्न योग्य भई मिति २०८१ वैशाख १ गते पछि अनिवार्य अवकाश हुने शिक्षकहरुले स्वैच्छिक रुपमा अवकाश लिन चाहेमा “शिक्षक स्वैच्छिक अवकाश कार्यक्रम कार्यन्वयन कार्यविधि २०७९” को अनुसूचि २ बमोजिमको प्रोत्साहन सहित स सम्मान विदाई गर्ने कार्यक्रम रहेको रोशी गाउँपालिकाको प्रमुख प्रशासकिय अधिकृत राम बहादुर तामाङले जानकारी दिनुभयो । इच्छुक शिक्षकहरुले नागरिकताको प्रतिलिपि, नियुक्ति पत्रको प्रतिलिपि, बढुवा नियुक्ति पत्रको प्रतिलिपि, अनिवार्य अवकाशको मिति खुल्ने कागजात, विदाको अभिलेख खुल्ने कागजातको प्रतिलिपि, सम्पूर्ण शैक्षिक योग्यताको कागजातको प्रतिलिपि सहित १५ दिन भित्रमा गाउँपालिकामा पेश गर्न अनुरोध गरिएको प्रमुख प्रशासकिय अधिकृत राम बहादुर तामाङले जानकारी दिनुभयो ।