काभ्रे,
नमोबुद्ध नगरपालिका वडा नं ९ र १० को सिमानामा रहेको ऋषेश्वर महादेव मन्दिर परिसरमा बृहत मेला लागेको छ। प्रत्येक वर्ष फागु पुर्णिमाको अवरसमा मेला लाग्ने र आसपासको वडा र पालिकाहरुबाट भक्जजनहरुको घुईचो लाग्ने गरेको संरक्षक समितीका अध्यक्ष लाल काजी लामाले जानकारी दिनुभयो । बिगतको वर्षमा झै यो वर्ष पनि भक्तजनहरुको भिड लागेको र यसै वर्ष नमोबुद्ध ९ मा फेला पारिएको घट्टेखोलामा अबस्थित गुफा पनि भक्तजनहरुले अवलोकन एंव दर्शन गरेको जानकारी दिदै बजेटको अभावको कारणले गर्दा उचित संरक्षण नभएको र यसका लागी वडा एंव स्थानिय सरकारबाट सहयोग भए घार्मिक एंव पर्यटकिय क्षेत्रको रुपमा बिकास गर्न सकिने बताउनु भएको छ ।
मेला भर्न आएका श्रद्दालु भक्तजनहरुलाई मध्य नजर गर्दै स्थानिय स्वमसेवक सुनिल लामाको संयोजकमा र वडा नं ९ का वडा अध्यक्ष विर वहादुर लामा, वडा नं १० का वडा अध्यक्ष रामकृष्ण उपाध्यय र वडा नं ९ का समाजसेवि अरुण कुमार श्रेष्ठको आर्थिक सहयोगमा प्रसाद ( खाजाको) र स्वच्छ पिउने पानीको व्यवस्था गरिएको थियो । वडा नं ९ का अध्यक्ष विर बहादुर लामा वडा नं १० का स्थानिय समाजसेवि सन्तमान तामाड.ले यस क्षेत्रलाई धार्मिक एंव पर्यटकिय क्षेत्रको रुपमा बिकास गर्नका लागी आफुहरु तत्पर रहेको बताउदै सम्पूर्ण सरोकारवालाहरुलाई सहयोगको निम्ति अपिल गर्नुभएको छ ।
