काभ्रे,देबराज उप्रेती,
महिलाहरुको महान पर्व हरितालिका तीजको अवसरमा नमोबुद्ध नगरपालिका ७ नौबिसेमा तीज बिशेष साँस्कृतिक कार्यक्रम २०७९ आज भब्य रुपमा सम्पन्न भएको छ । उद्दार खबरको आयोजनामा नौबिसे स्थित महादेव मन्दिर परिसरमा बिभिन्न ख्यातिप्राप्त चर्चित कलाकारहरुले बेजोड प्रस्तुति दिएका छन् । राष्ट्रिय प्रजातन्त्र पार्टीका केन्द्रिय अध्यक्ष राजेन्द्र लिङ्देनको प्रमुख आतिथ्यतामा नौबिसेमा तीज विशेष साँस्कृतिक कार्यक्रम २०७९ भव्य रुपमा सम्पन्न भएको हो ।
कार्यक्रममा चर्चित कलाकारहरु नायिका रेखा थापा, गायक यम बराल, कृष्ण कँडेल, बिक्रमजंग शाह, नवराज घोरासैनी, राजु परियार, यस कुमार परियार, अमृत खाती, रवि डँगोल (बेइमान), अनिता बस्नेत (मास्टर्नी) सुलेमान शंकर (इकु), रामकुमार नेपालीले भरपुर मनोरंजन दिएका छन् । यस्तै करिष्मा ढकाल, प्रतिमा अर्याल, स्मृति गौतम, आशा लामा, बिशाल थिङ, श्याममाया गुरुङ्ग, मनिषा घोरासैनी, दाबा फिन्जाु लामा, अमृत भारती लगायतका कलाकारहरुले आफ्नो बिशेष प्रस्तुति दिएका छन् । कार्यक्रममा काभ्रे सहित विभिन्न छिमेकि जिल्लाहरुको दर्शकहरुको बाक्लो उपस्थिति रहेको थियो ।
