काभ्रे,
पनौती नगरपालिका वडा नम्बर ४ मा रहेको सामुदाियक बचत तथा ऋण सहकारी संस्था लिमिटेड लुटपाटमा संलग्न भएको आरोपमा पक्राउ परेका ४ जनालाई जिप्रका काभ्रेपलाञ्चोकले सार्वजनिक गरेको छ । आज धुलिखेलमा पत्रकार सम्मेलन गर्दे प्रहरीले लुटपाटमा संलग्न भएको आरोपमा पक्राउ परेका ४ जनालाई सार्वजनिक गरेको हो । पक्राउ परेका चारै जना मकवानपुर जिल्लाका रहेको खुल्न आएको छ । उनीहरु ब्यवसायी रुपमा चोरीमा संलग्न रहँदै आएका थिए । उनीहरुलाई काठमाण्डौ र मकवानपुर जिल्लाको विभिन्न स्थानबाट पक्राउ गरिएको काभ्रेका प्रहरी प्रमुख एसपी भाग्येन्द्रपुरुष ढकालले जानकारी दिनुभयो ।
पक्राउ पर्नेमा मकवानपुर जिल्लाको इन्द्रसरोवर गाउँपालिका वडा नम्बर ५ का २४ बर्षीय अमृत थिङ (लामा), सोही ठाउँका २९ वर्षीय गम्भीर भनिने सोमलाल थिङ, वडा नम्बर ५ फाखेलका ३० बर्षीय अशोक रुम्बा र रोही ठाउँका ३५ बर्षीय अकुबर लामा रहेका छन् । अमृत र सोमलाल काठमाण्डौबाट पक्राउ परेका हुन् । अशोक र अकुबरलाई फाखेलबाटै नियन्त्रणमा लिइएको प्रहरीले जनाएको छ ।
