काभ्रे,
काभ्रेपलाञ्चोक जिल्लाको नमोबुद्ध नगरपालिका वडा नं २ का महिलाहरुको लागि ३ महिने आधारभुत सिलाई कटाई तालिम संचालन भएको छ । वडाकै बजेटबाट युवा तथा महिला सिप विकास कार्यक्रम अन्तर्गत ३ महिने आधारभुत सिलाई कटाई तालिमको आयोजना गरीएको हो । “सिप सिकौ आत्मनिर्भर बनौ” भन्ने उद्देश्यले आयोजित तालिममा वडाका ईच्छुक ३० जना महिलाहरु सहभागी भएका छन् । आज तालिम उद्घाटन कार्यक्रममा बोल्दै वडा अध्यक्ष एवं कार्यक्रमका प्रमुख अतिथि कविराज श्रेष्ठले महिलाहरुलाई आत्मनिर्भर एवं सिप विकास हुने भएकाले यसप्रकारको तालिम निकै प्रभावकारी हुने बताउनुभएको छ । तालिम अवधिभर सक्रिय रुपमा सहभागि भएर उत्कृष्ट हुने प्रशिक्षार्थिलाई पुरस्कृत गरीने पनि उँहाले बताउनुभएको छ । तालिम सम्पन्न भएपश्चात प्रशिक्षार्थिहरु ईच्छुक भएमा गाउँमै रोजगारी सृजनाको निमित्त पहल गरिने उँहाले प्रतिबद्धता व्यक्त गर्नुभएको छ ।
कार्यक्रममा वडाका दलिय प्रतिनिधि तथा वडाका जनप्रतिनिधिहरुले तालिम सफलताको शुभकामना मन्तब्य राख्नुभएको थियो । वडा सदस्य तथा कार्यपालिका सदस्य शुसिला परियारको अध्यक्षतामा कार्यक्रम सम्पन्न भएको हो ।
