देब,
काभ्रेः नमोबुद्ध नगरपालिका वडा नं २ बुच्चाकोट स्थित टटलेटारमा निर्माणाधिन अवस्थामा रहेको पार्कोटे –टटलेटार खानेपानी तथा सरसफाई आयोजनाको नगरप्रमुख कुन्साङ लामाले निरिक्षण गर्नुभएको छ । प्रदेस सरकारको सहयोगमा निर्माण गरिएको यस आयोजना सञ्चालनको तयारीमा रहेको छ । आर्थिक बर्ष २०७७÷०७८ मा यस आयोजना सम्पन्नका लागि प्रदेस सरकारले रु ५० लाख बजेट विनियोजन गरेको थियो । खानेपानिको चरम समस्या झेलिरहेका बासिन्दाहरुको मुहारमा यस पार्कोटे –टटलेटार खानेपानी तथा सरसफाई आयोजनाले खुशीयाली ल्याएको छ ।
सञ्चालनको अन्तिम तयारीमा रहेको यस खानेपानी आयोजनाको शाखा लाईन विस्तार कार्य बाँकि रहेको छ । घरघरमा शाखा लाईन विस्तारका लागि नगरपालिकाबाट रु ५ लाख सहयोग गर्ने नगरप्रमुख कुन्साङ लामाले प्रतिबद्धता व्यक्त गर्नुभएको छ । यस आयोजनाबाट टटलेटारका करिव ५५ घरधुरी लाभान्विंत हुने बताईएको छ । आयोजना निरिक्षणमा नगर युवा परिषद्का कार्यकारी उपाध्यक्ष रामेश्वर अधिकारी ,वडा नं १० का अध्यक्ष रामकृष्ण उपाध्याय र स्थानीयहरुको सहभागिता रहेको थियो ।
