काभ्रे,
शिक्षाको क्षेत्रमा काम गर्दैआएको पाल्देन फाउण्डेसनले रोशीका विद्यार्थीहरुलाई स्टेसनरी सामग्री वितरण गरेको छ । यहि भदौ ९ गते बिहिबार बुढाखानि २ मा अवस्थित बुढानिलकन्ठ प्राथमिक विद्यालयका विद्यार्थिहरुलाई पाल्देन फाउण्डेसनको तर्फबाट स्टेसनरी सामग्रीहरु वितरण गरिएको हो । विद्यालयमा उपस्थित २९ जना विद्यार्थीहरुलाई १ बर्षसम्म आवश्यक पर्ने सम्पुुर्ण स्टेसनरी सामग्रीहरु, कलर पेन्सिल,चित्र बनाउने पेपर,झोला लगायतका सामग्रिहरु वितरण गरिएको पाल्देन फाउण्डेसनका सदस्य पाल्देन मोक्तानले जानकारी दिनुभएको छ । शिक्षालाई थप प्रभावकारी ढंगबाट अगाडि बढाउन एंव प्रोत्साहन स्वरुप स्टेसनरी सामग्रीहरु वितरण गरिएको उहाँले बताउँनुभयो ।
पाल्देन फाउण्डेसनका सम्पुर्ण सदस्यहरु , विदेसी सहयोगी पाहुना माएजि,नेपाली कांग्रेस काभ्रे जिल्ला सचिव गुणराज मुक्तान लगायतको सहभागितामा विद्यार्थीहरुलाई स्टेसनरी सामग्री वितरण गरिएको हो । यसअघि पनि रोशी गाउँपालिकामा शिक्षा एंव स्वास्थ्य क्षेत्रमा विभिन्न कार्यहरु गर्दै आएको यस पाल्देन फाउन्डेसन शिक्षा एंव स्वास्थ्य क्षेत्रमा अग्रसर बन्दै गएको छ ।
