काभ्रे,
नेपाल आयल निगमले खाना पकाउने ग्यासबाहेकका इन्धनको मूल्य घटाएको छ । हिजो बसेको निगम सञ्चालक समिति बैठकले गएराति १२ बजेदेखि लागु हुने गरी डिजेल, मट्टितेल र हवाइ इन्धनको मूल्य लिटरमा १०–१० रुपैयाँले घटाएको हो । पेट्रोल लिटरमा ३ रुपैयाँ मात्रै घटेको छ । खाना पकाउने ग्याँसमा भने घाटा नै रहेको भन्दै निगमले मूल्य घटाएको छैन । मूल्य घटेसँगै अब डिजेल र मट्टितेल लिटरको १ सय ६५ रुपैयाँमा पाइनेछ ।
पेट्रोलको भने १ सय ७५ रुपैयाँ पर्नेछ । हवाई इन्धन आन्तरिकतर्फ १ सय ६० रुपैयाँ प्रतिलिटर र बाह्यतर्फ डलर १ दशमलव ३५० प्रतिकिलोलिटर कायम भएको छ । खाना पकाउने ग्याँसको मूल्य भने प्रतिसिलिण्डर १ हजार ८ सय रुपैयाँ नै छ ।
