काभ्रे,
प्रतिनिधि तथा प्रदेश सभा निर्वाचन २०७९ को सन्दर्भमा गठबन्धनमा सहभागी दलले पत्रकारहरुसँग अन्तरक्रिया गरेका छन् । आज (शनिवार) बनेपामा आयोजित पत्रकारहरुसँगको अन्तक्रिया कार्यक्रममा नेपाली काग्रेसका उप–सभापति रमेश हुमागाई, माओवादी नेतृ रुकु चौंलागाई ,नेता अक्कल ब थिङ, समाजवादी नेता टोक बहादुर वाइवा, लगायतले गठबन्धनको औचित्य तथा जिल्लाको राजनीतिक अवस्थाबारे प्रकाश पार्नुभएको छ । कार्यक्रममा सहभागी गठबन्धनका नेताहरुले गठबन्धन गरेर निर्वाचनमा सहभागी हुनु लोकतन्त्रमा सुहाँउदो कार्य नभए पनि लोकतन्त्र नै संकटमा पर्ने अवस्था सृजना भएपछि बाध्य भएको उल्लेख गरका छन् । नेपाली काङ्ग्रेसका नेता शिब प्रसाद हुमागाईले काभ्रेको दुबै क्षेत्रमा गठबन्धनका उम्मेदवारहरुको जित सुनिश्चित भएको बताउनुभएको छ । उँहाले दुई तिहाइ सरकार हुँदा पनि उपलब्धिहरुलाई रक्षा गर्न नसकेको र विधिको शासन संचालन नभएको भन्दै दिगो सरकार र सुशासनका लागि लोकतान्त्रिक–बाम गठबन्धनको आवश्यकता रहेको बताउनुभयो ।
पत्रकारहरुले उठाएको प्रश्नको जवाफ दिँदै काभ्रे क्षेत्र नं २ का उम्मेदवार शिव प्रसाद हुमागाईले केन्द्रबाट पार्टीको घोषणापत्र प्राप्त गरेसँगै जिल्लाका एजेण्डाहरु समेटिएको गठबन्धनको अवधारणा सार्वजानिक गर्ने बताउनुभयो । जिल्लाका टोल–टोलका समस्याको वियषयमा जानकारी राख्ने । आगामी निर्वाचनका लागि क्षेत्र तथा प्रदेशमा योग्य सक्षम स्वच्छ छवि भएका उम्मेदवारहरु गठबन्धको तर्फबाट प्रस्तुत गरिएको दावी गरे ।पत्रकारबाट गरिएको प्रश्न प्रति लक्षित गर्दै हुमागाईले जिल्लाको सडक, खानेपानी, स्वास्थ्य, शिक्षा लगायतका क्षेत्रमा दशकौं अघि देखि सक्रिय रहेको बताउँनुभयो । विपक्षीहरुले विकास निर्माणका कामलाई मिडिया तथा सामाजिक संजालमा प्रचार गरेपनि फिल्डमा अवस्था जिउँका तिउँ रहनेगरेको उल्लेख गर्दै आफुहरुले काम गरेपनि प्रचार नगरेको उल्लेख गर्नुभयो । वि.पी राजमार्ग निर्माण, कोशीपारी सडक निर्माण, भक्तपुर नाला सडक , नमोबुद्ध पनौती लामाटार सडक, तेमाल सडक, कस्का पहलमा कहिले निर्माण भए ? काभ्रे उपत्यका खानेपानी बनेपाको बहुप्राविधिक शिक्षालय लगायतको निर्माणको इतिहास हेर्न उहाँको सुझाव थियो ।
त्यसैगरि,नेपाली काग्रेसका जिल्ला सभापति समेत रहेका प्रदेश सभा उम्मेदवार तिर्थ लामाले प्रविधिमैत्री समयको विकास भएको र त्यसकै प्रभावमा निर्वाचन हुने भन्दै लोकतान्त्रिक–बाम गठबन्धनलाई जिताउन सक्रिय भएर लाग्नुपर्ने बताउनुभएकबो छ । आफ्नो क्षेत्रका प्रतिनिधि सभा उम्मेदवार सूर्यमान दोङ स्वास्थ्य समस्याका कारण स्वास्थ्य लाभ गरिरहनु भएको र दोङको मंसिर ४ अघि सम्म नै मतदाता माझ उपस्थिति नरहेपनि प्रदेश उम्मेदवारहरुको प्रयासबाटै विजयी गराउने दावी समेत गर्नुभएको छ ।
