काभ्रे,
बारामा विद्यालयका प्रधान्याध्यापकको हत्यामा आफ्नै प्रेमिकाको व्वाइफ्रेन्डको संलग्नता रहेको खुलासा भएको छ । कलैयास्थित बाल एकता माविको सञ्चालक तथा प्रिन्सिपल रुपेश सरार्फको हत्यामा आफ्नै प्रेमिकाका अर्का व्वाइफ्रेन्डसहित ३ जनाको संलग्नता रहेको खुलासा भएको हो । जसमा दुई जना पुरुष र एक जना महिला रहेका छन् । पक्राउ परेकाहरुको परिचय आज पत्रकार सम्मेलन गरी सार्वजनिक गर्ने भएको छ । प्रहरीका अनुसार विवाहित सरार्फसँग प्रेममा रहेकी महिला अर्का एक जना पुरुषसँग पनि प्रेममा रहेकी थिईन । ती पुरुषले सरार्फलाई आफ्नी प्रेमिकासँग सम्बन्ध तोड्न बारम्बार प्रेसर गरेका थिए । तर प्रेममा रहेका सरार्फले प्रेमिका छाड्न मानेका थिएनन् ।
ती महिलाका अर्का प्रेमीले गत साउन १३ र भदौ २८ गते पनि सरार्फलाई गोली हान्ने प्रयास गरेको बाराका प्रहरी प्रमुख एसपी सुरेश काफ्लेले जानकारी दिनुभयो । उहाँका अनुसार सरार्फको हत्यामा महिलाले दोहोरो भूमिका निर्वाह गरेको प्रारम्भिक अनुसन्धानबाट खुलेको छ । गोली प्रहारबाट गम्भीर घाइते भएका उनको वीरगञ्जस्थित बयोधा अस्पतालमा उपचारको क्रममा हिजो मृत्यु भएको मधेस प्रहरी प्रमुख डिआईजी जनक भट्टराईले जानकारी दिनुभयो । यसैबिच, मधेस प्रदेशका विद्यालयहरू आज बन्द हुने भएका छन् । प्रधान्याध्यापक रुपेश सर्राफको हत्याको विरोधमा आज मधेसका विद्यालयहरू बन्द हुन लागेका हुन् । राष्ट्रिय निजी तथा आवासीय विद्यालय एसोसिएसन (नेशनल प्याब्सन) को आह्वानमा मधेश प्रदेशका विद्यालयहरूमा एक दिनका लागि शोक बिदा दिइएको हो ।
नेशनल प्याब्सनका प्रदेश अध्यक्ष डा. नन्दन यादव र सचिव जितेन्द्र प्रसाद यादवले जारी गरेको विज्ञप्तिमा सर्राफको हत्याप्रति कडा निन्दा र भर्त्सना गरिएको छ ।
