‘बदलिएको काँग्रेस, बलियो काँग्रेस’ बनाउने १४ बुँदे प्रतिबद्धता पारित गर्दै सकियो काँग्रेसको जिल्ला सभापतिहरूको भेला

काभ्रे,

नेपाली काँग्रेसका जिल्ला सभापतिहरूको भेला ‘बदलिएको काँग्रेस, बलियो काँग्रेस’ बनाउने १४ बुँदे प्रतिबद्धता पारित गर्दै सकिएको छ । बैठकमा पार्टीसँग सरकारका मन्त्रीको समन्वय नभएको, बजेटमा विभेद गरिएको, भातृ संस्था लाई पूर्णता दिने क्रममा जिल्ला सभापतिहरुलाई बेवास्ता गरिएको, गुटको राजनीतिले पार्टी समस्यामा रहेको असन्तुष्टि सभापतिहरुले राखेका थिए ।
पार्टी सभापतिहरुको उठाएका विषयहरू केन्द्रीय समितिका उठाउने प्रतिबद्धता महामन्त्रीद्वय गगन थापा र विश्वप्रकाश शर्माले जनाएका छन् । ती विषयहरुलाई केन्द्रीय समितिको बैठकमा उठाउने वचन दुई महामन्त्रीले दिएको भेलामा सहभागी जिल्ला सभापतिहरुले बताएका छन् । जिल्ला सभापतिहरुसँग निरन्तर संवादमा रहन ह्वाट्स एप समूह बनाउने र त्यहाँ जिल्ला सभापतिहरूले आफ्ना गुनासो राख्ने निर्णय पनि भेलाले गरेको छ ।