काभ्रे,
५९ औँ राष्ट्रिय बालदिवसको अवसरमा नमोबुद्ध –७ भकुण्डेबेँशीमा अवस्थित श्री नव प्रतिभा अङ्ग्रेजी माध्यमिक विद्यालयले अन्तर विद्यालय स्तरीय वक्तृत्वकला प्रतियोगिताको आयोजना गरेको छ । ‘बालबालिकामा लगानीः सुनिश्चित भविष्यको थालनी’ भन्ने मूल नाराका साथमा देशभरी मनाइरहेको छ । विद्यालयका संस्थापक श्री सन्तोष अधिकारीको सभापतित्वमा कार्यक्रम सम्पन्न भएको हो । विद्यालयले “राष्ट्रप्रेमी नागरिक निर्माणमा विद्यालयको भूमिका” शीर्षकमा अन्तर विद्यालय स्तरीय वक्तृत्वकला प्रतियोगिताको आयोजना गरेको हो । नमोबुद्ध नगरपालिकाभित्रका विभिन्न विद्यालयहरुको सहभागी रहेको उक्त कार्यक्रममा आयोजक श्री नव प्रतिभा अङ्ग्रेजी माध्यमिक विद्यालबाट कक्षा सातमा अध्ययनरत छात्रा रिकेशा उप्रेतीले प्रथम स्थान हाँसिल गर्नुभएको छ । यसैगरी श्री जनक माध्यमिक विद्यालयकी छात्रा बिनिता मिजार द्धितीय,श्री जनहित माध्यमिक विद्यालयको छात्रा सुमन श्रेष्ठले तृतीय स्थान हासिल गर्नुभएको छ भने जनक माध्यमिक विद्यालकी छात्रा रस्मिता काफ्ले र श्री नव प्रतिभा अङ्ग्रेजी माध्यमिक विद्यालयकी छात्रा स्वेच्छा श्रेष्ठले सान्त्वना पुरस्कार प्राप्त गरेका छन् ।
कार्यक्रममा निर्णायकको भूमिकामा श्री जनक माध्यमिक विद्यालयको शिक्षक जगदीश प्रसाद भट्ट, श्री जनहित माध्यमिक विद्यालयकी शिक्षिका सीता काफ्ले खनाल,श्री बाल उज्ज्वल माध्यमिक विद्यालयको शिक्षक पवन कुमार यादवले रहनुभएको थियो । कार्यक्रममा विवेक कुमार तामाङले स्वागत मन्तव्य राख्नुभएको थियो भने कार्यक्रम संचालन मोहन खड्काले विद्यालयको गर्नुभएको थियो । कार्यक्रम समापन पश्चात बालबालिकाहरुले बाल अधिकारका बारेमा लेखिएका प्लेकार्ड बोकेर ¥यालि गरीएको सह प्रधानाध्यापक विवेक कुमार तामाङले जानकारी दिनुभयो ।
