काभ्रे,
बेथानचोक गाउँपालिका स्थायी बसोबास भइ हाल दक्षिण कोरियामा रोजगारी गरिरहेका युवाहरुद्वारा २ वटा विद्यालयमा प्राथमिक तहका सबै विद्यार्थीहरुलाई शैक्षिक सामग्री हस्तान्तरण गरिएको छ । बेथानचोक गाउँपालिका स्थायी बसोबास भइ हाल दक्षिण कोरियामा रोजगारी गरिरहेका युवाहरुको सक्रियता तथा सहयोगमा उक्त शैक्षिक सामग्रीहरु काभ्रे सम्पर्क समिति दक्षिण कोरियाका प्रतिनिधि रन्जना नेपाल र कृष्णहरि तिमल्सिनाले वडा अध्यक्ष कुबेर ढकालको समन्वयमा वितरण गरेका हुन ।
बेथानचोक गाउँपालिका वडा नम्बर ३ मा रहेका जनप्रिय प्राथमिक विद्यालय र गोरखनाथ प्राथमिक विद्यालयका विद्यार्थीहरुलाई शैक्षिक सामाग्रीहरु वितरण गरिएको छ ।
जनप्रीय र गोरखनाथका करिब ५० भन्दा बढी विद्यार्थीहरुलाइ कापी, कलम र झोला लगायतका शैक्षिक सामाग्री वितरण गरिएको वडा अध्यक्ष कुबेर ढकाल जानकारी दिए ।
