काभ्रे,
रोशी गाउँपालिका वडा नं ९ मंगलटार स्वास्थ्य चौकीमा “शारीरिक अपाङ्गता घुम्ति शिविर”सम्पन्न भएको छ । रोशी गाउँपालिकाको आयोजना , अपाङ्ग बाल अस्पताल तथा पुनर्स्थापन केन्द्र बनेपाको सहयोगमा शिविर संचालन भएको हो । शिबिरमा ३२ जना नागरिकले प्रत्यक्ष सेवा पाएका छन् भने ८ जना अपांगता भएका नागरिकलाई अप्रेसनको लागि अपांग बाल अस्पताल बनेपामा उपचारका लागि लैजाने तैयारी भएको छ ।
साथै आज १ जनालाई एल्बो स्तिक पनि प्रदान गरिएको रोशी गाउँ पालिकाको महिला बाल बालिका तथा जेष्ठ नागरिक शाखाको प्रमुख प्रज्वला राइले जानकारी दिनुभयो । आज शिबिरमा बिशेष गरि खुट्टाको पाइताला भित्र बाहिर फर्केको, खुट्टा लुलो वा कमजोर भएको, जोर्निहरु दुख्ने वा कम्जोर भएको, औलाहरु एक आपसमा टासिएको वा धेरै भएको,आगोले पोलेर अंगहरु एक आपसमा टासिएका जस्ता समस्या भएका बिरामिहरुको उपचारका लागि शिबिर सन्चालन भएको हो । कार्यक्रममा गाउँपालिका अध्यक्ष दिनेश लामा ,उपाध्यक्ष मिम बहादुर वाईवा रोशि ७ का वडा अध्यक्ष असोक गौतम तथा अपाङ्ग अस्पतालका डाक्टर र अन्य स्वास्थकर्मीहरूको उपस्थिति रहेको थियो ।
