यसपालीको तीजमा चर्चित ख्याती प्राप्त कलाकारहरुको भकुण्डेवेशीमा धमाका

काभ्रे,

महिलाहरुको महान पर्व हरितालिका तीजको अवसरमा चर्चित ख्यातिप्राप्त कलाकारहरु नमोबुद्ध नगरपालिका ७ भकुण्डेवेशीमा जम्मा हुने भएका छन् । उद्दार खबरको आयोजनामा यहि भाद्र १४ गते नौबिसे स्थित महादेव मन्दिर परिसरमा तहल्का मच्चाउन चर्चित कलाकारहरु आउने भएका छन् । राष्ट्रिय प्रजातन्त्र पार्टीका केन्द्रिय अध्यक्ष राजेन्द्र लिङ्देनको प्रमुख आतिथ्यतामा नौबिसेमा तीज विशेष साँस्कृतिक कार्यक्रम २०७९ भव्य रुपमा सम्पन्न हुने भएको छ ।
कार्यक्रममा चर्चित कलाकारहरु नायिका रेखा थापा, गायक यम बराल, कृष्ण कँडेल, बिक्रमजंग शाह, नवराज घोरासैनी, राजु परियार, यस कुमार परियार, अमृत खाती, रवि डँगोल (बेइमान), अनिता बस्नेत (मास्टर्नी) सुलेमान शंकर (इकु), रामकुमार नेपालीले भरपुर मनोरंजन दिन भएका छन् । यस्तै करिष्मा ढकाल, प्रतिमा अर्याल, स्मृति गौतम, आशा लामा, बिशाल थिङ, श्याममाया गुरुङ्ग, मनिषा घोरासैनी, दाबा फिन्जाु लामा, अमृत भारती लगायतका कलाकारहरुले बिशेष प्रस्तुति रहने छ । कार्यक्रमलाई भव्य र सभ्य ढंगले सम्पन्न गर्नका लागि आयोजक टिमले सम्पुर्णमा आग्रह गरेको छ ।