रेडियो रोशी,
काभ्रे जिल्लाको रोशी गाउँपालिकामा तीज विशेष कार्यक्रम सम्पन्न भएको छ । गाउँपालिकाका अध्यक्ष दिनेश लामाको प्रमुख आतिथ्यता तथा कार्यपालिका सदस्य रिता कोईरालाको अध्यक्षतामा सम्पन्न भएको हो ।
आज शुक्रबार मौलिक संस्कृतिलाई जोगाऔं, भड्किलो विकृतिलाई रोकौं भन्ने मूल नाराका साथमा रोशी गाउँपालिका महिला विकास तथा जेष्ठ नागरिक शाखाको आयोजनामा कार्यक्रम सम्पन्न भएको हो । कार्यक्रममा विविधतापूर्ण समाजको विभिन्न जातजातिको संस्कार संस्कृति गाउँपालिकाले संरक्षण गर्नु पर्ने बताउनुभयो । सोही अनुसार गाउँपालिकाले तिज बिशेष कार्यक्रमको आयोजना गरेको जानकारी दिनुभयो । सबै जाति समुदायको संस्कार संस्कृतिलाई जगेर्ना गर्ने गाउँपालिकाको नीति रहेको पनि लामाले बताउनुभयो । गाउँपालिका भित्रको सबै जाती समुदायको धर्म संस्कार संस्कृतिलाई सहिष्णुतापूर्वक मनाउनु पर्ने उँहाको भनाई छ ।
पछिल्लो समय तिज भड्कीलो भएको गाउँपालिका उपाध्यक्ष मिमबहादुर वाईबाले बताउनुभयो । पहिला पहिला तिज गितबाट सन्देश दिने गरेकोमा अहिले भड्कीलो तरिकाले मान्दै आएको बताउनुभयो । भड्कीलो हैन मौलिक संस्कृतिलाई संरक्षण गर्दै संयमतापूर्वक तिज मनाउनु पर्छ भन्ने सन्देश दिनको लागि पनि तिज कार्यक्रमको आयोजना गरेको वाईबाले जानकारी दिनुभयो ।
‘तिजको नाममा बिकृति भित्रीएको छ । नेपाली गित हैन हिन्दी गित बजाएर भड्कीलो नाचहरू आईरकेको छ ।’ उपाध्यक्ष वाईबाले भन्नुभयो , ‘त्यसलाई रोक्नु पर्छ । हाम्रो परम्परालाई निरन्तरता दिनुपर्छ त्यसकैको लागि पनि आजको तिज कार्यक्रमको आयोजना गरेका हौँ ।’
बिक्रिती तर्फ उन्मुख तिज रोशीमा संयमित तरिकाले मनाएकोमा आफूलाई खुसी लागेको रोशी–६ का वडाध्यक्ष नारायण बहादुर सिवाकोटीले बताउनुभयो ।
सो कार्यक्रममा गाउँपालिकाका प्रवक्ता तथा वडा नं. १२ का वडाध्यक्ष वसन्तकुमार लामा, वडा नं. ११ का वडाध्यक्ष लालकुमार पाख्रिन, निमित्त प्रमुख प्रशासकीय अधिकृत धनबीर लामा लगायत गाउँपालिकाका महिला जनप्रतिनिधि, कर्मचारी र स्थानीय महिलाहरूको उपस्थिति रहेका थिए ।
