काभ्रे,
बागमती प्रदेशका खानेपानी, उर्जा तथा सिञ्चाईमन्त्री तिर्थ लामाले रोशी गाउँपालिकालाई समृद्ध बनाउन आफ्नो जीवन रहेसम्म अहोरात्र लागिपर्ने प्रतिबद्धता जनाउनुभएको छ । हिजो रोशी गाउँपालिका–९ मंगलटारमा रहेको मंगलेश्वर वित्तीय सहकारीको २७ औं वार्षिक साधारणसभा तथा ८ औं अधिवेशनको उद्घाटन समारोहमा मन्त्री लामाले यस्तो बताउनुभएको हो । रोशीका जनताले आफूलाई सहयोग गरेको भन्दै रोशीको जनता समृद्ध बनाउनको लागि जीवन रहेसम्म अहोरात्र लागिपर्ने बताउनुभएको हो । ‘यही भूमीले मलाई मानसम्मान दियो र आज यहाँसम्म पुगेको छु,’ मन्त्री लामाले भन्नुभयोे, ‘यो क्षेत्रको उन्नतिका लागि हरदम लागिपर्नेछु । मेरो जीवनको एक मुठी स्वास रहेसम्म रोशीको विकास र देश विकासमा खटिरहनेछु।’
उँहाले सहकारीले समाजको शैक्षिक क्षेत्र र आर्थिक अवस्थालाई माथी उठाउन सहयोग गरेको बताउनुभएको छ । मन्त्री लामाले मंगलेश्वर वित्तीय सहकारी संस्थाले पनि मंगलटार क्षेत्रको शिक्षा र आर्थिक अवस्था माथी उठाउन महत्वपूर्ण भुमिका खेलेको बताउनुभयो । रोशीका जनताले आफूलाई सहयोग गरेको भन्दै रोशीको जनता समृद्ध बनाउनको लागि जीवन रहेसम्म अहोरात्र लागिपर्ने बताउनुभयो ।
कार्यक्रममा रोशी गाउँपालिकाका अध्यक्ष दिनेश लामाले गरिबी न्यूनीकरणमा सहकारी सहकारीको भुमिका उल्लेख्य रहेको बताउनुभयो । देश विmकासका लागि आर्थिक मात्र नभएर जुनसुकै हिसाबले सहकारी क्षेत्रको महत्वपूणर् सहयोग रहेको गाउँपालिका अध्यक्ष लामाको भनाई छ।
राज्यले लिएको देश समृद्ध बनाउने लक्ष्यमा सहकारीले महत्वपूर्ण भुमिका खेलेको बताउँदै उनले मंगलेश्वर सहकारीले रोशीको विकासमा योगदान रहेको बताउनुभयो । गाउँपालिका अध्यक्ष लामाले खानेपानी, उर्जा तथा सिञ्चाई मन्त्री तिर्थ लामालाई धन्यवाद पनि दिनुभयो । रोशीको विकासका लागि मन्त्री लामाले एक अर्ब बजेट विनियोजन गरेको उँहाले बताउनुभयो ।
‘मन्त्रीज्यूको पहलमा रोशीमा मात्र १ अर्ब बजेट परेको छ। खानेपानी, उर्जा तथा सिंचाइ मन्त्रालयबाट मात्र ३५ करोड बजेट रोशीमा परेको छ,’ अध्यक्ष लामाले भन्नुभयोे, ‘यो बजेट मन्त्री ज्यूकै पहलमा भएको हो। त्यसको लागि मन्त्री ज्युलाई धन्यवाद व्यक्त गर्दछु।’
कार्यक्रममा सहकारीका अध्यक्ष मानबहादुर तामाङले सहकारीको भवन जिणर् रहेकाले बागमती प्रदेश सरकारले सहयोग गर्नुपर्ने बताउनुभयो । सहकारीका संस्थापक अध्यक्ष श्रीकृष्ण न्यौपानेले उक्त सहकारी भाग्ने र डुब्ने डर नभएको बताउनुभयो । आफू संस्थापक भएकाले बाहिर बसेर सहकारीको निगरानी गरीरहेको उँहाको भनाई छ।
यस्तै, सचिव सुवर्ण रायले सामान्य ऋण लिनलाई गाउँका साहु महाजनहरुका लागि ठेकी भेटी काट्नु अवस्थालाई चिर्न सहकारी स्थापना भएको बताउनुभयो । सो कार्यक्रममा कोषाध्यक्ष साधुराम अधिकारीले आर्थिक प्रतिवेदन प्रस्तुत गरेका थिए भने महिला उपसमिति संयोज तथा संचालक महेश्वरी थापा न्यौपाने मन्तव्य राख्नुभएको थियो । लेखा सुपरिवेक्षण समितिको प्रतिवेदन संयोजक राजेन्द्रप्रसाद अधिकारीले प्रस्तुत गर्नुभएको थियो । सहकारीको आम्दानी १ करोड ७४ लाख ८७ हजार ८६१ रहेको छ भने खर्च १ करोड ७४ लाख ३५ हजार ७१९ रहेको छ ।
