काभ्रे,
रोशी गाउँपालिकाको आर्थिक वर्ष २०८०÷८१ को लागि प्रस्तावित नीति कार्यक्रम तथा बजेट सर्वसहमतले पारित गरेको छ । असार १ं० गते सम्पन्न गाउँ सभाको तेह्रौ अधिवेशनको पहिलो वैठकमा प्रस्तुत नीति कार्यक्रम तथा बजेट आज असार १७ गते सम्पन्न गाउँ सभाको तेह्रौ अधिवेशनको दोस्रो वैठकले सर्वसम्मत पारित गरेको हो । पहिलो वैठकमा अध्यक्ष दिनेश लामाले नीति कार्यक्रम, उपाध्यक्ष मिम बहादुर वाईवाले विनियोजन विधेयक, २०८० र आर्थिक विधेयक २०८०, निर्णयार्थ पेश गर्नुभएको थियो । साथै उपाध्यक्ष वाईवाले गाउँपालिकाको आ.व. २०८०÷८१ को लागि ७४ करोड २७ लाख ६० हजार पेश गर्नुभएको थियो । एक हप्ताको छलफल पछाडी दोस्रो वैठकमा सर्वसम्मतले पारित गरेको गाउँपालिकाको प्रवक्ता वसन्त कुमार तामाङले जानकारि दिनुभयो ।
त्यसैगरी गाउँसभाको तेह्रौ अधिवेशनले आर्थिक वर्ष २०७९÷८० को वार्षिक प्रतिवेदन, गाउँपालिकाको विधायन, लेखा र सुशासन तथा विकास समिति, (गठन तथा सञ्चालन कार्यविधि र न्यायिक समितिको वार्षिक प्रतिवेदन समेत सर्वसम्मतले पारित गरेको छ । छलफलका क्रममा रोशी १ का वडा अध्यक्ष श्रीदास लामा लगायतका गाउँसभाका सदस्यहरुले भाग लिएका थिए ।
