रोशी सहकर्मी–बैशाख १७,
२०७७,सिन्धुपाल्चोक/

चौतारा साँगाचोकगढी नगरपालिका वडा नं १४ मा एकै दिन ५३५ को स्वास्थ्य परिक्षण गरिएको छ । बिश्वव्यापिरुपमा फैलिएको महामारिका कारण बन्दाबन्दी घोषणा भएपछी नियिमित रुपमा औषधी सेवन गरेकाहरुलाई समेत स्वास्थ्य परिक्षण गरि औषधी बितरण गरिएको थियो ।

सरकारले दिएको निशुल्क औषधी बाहेक किन्न पर्ने औषधी आवश्यक भिटामिन तथा प्रेशर सुगर लगाएतका औषधीहरु १४ नम्बर वडाको स्वास्थ्य शाखा कोषबाट खरिद गरि १५ दिनका लागी पुग्ने गरि दिइएको वडा अध्यक्ष शेर बहादुर श्रेष्ठले जानकारी दिए । सरकारले बन्दाबन्दी १० दिन थप गरे सँगै औषधी सेवन गर्ने जेष्ठ नागरिक तथा अशहायहरु लाई १५ दिनको लागी वडाले औषधिको ब्यबस्था गरेको हो ।

यो अबधीमा औषधी खरिद गर्नका लागी समस्या हुने भएकोले वडाबाट यो सुबिध प्रदान गरेको अध्यक्ष श्रेष्ठले बताए । मङ्गलबार बिहान सिमान्कृत एकिकृत माझी बस्ती भ्याडीबाट बाट शुरु भइ असिने रानीटार सम्म ५३५ जना रोगी हरुको रोग परिक्षण गरिएको अध्यक्ष श्रेष्ठले जानकारी दिए । यो अभियान वडाका सबै खाले रोगी मौसमी रुघाखोकी भएकाहरुलाई समेत परिक्षण गरि सरकारबाट पाउने निशुल्क औषधी र खरिद गरेर दिन पर्नै भए सोही बमोजिमको औषधी दिइन श्रेष्ठले जानकारी दिए । मङ्गलबार मात्र १५ जनालाइ औषधी खरिदगरि दिएको र अरु सबैलाइ सरकारबाट दिइएको निशुल्क औषधी बितरण गरिएको थियो ।

स्वास्थ्य परिक्षणमा लाल बहादुर श्रेष्ठ, सरोज बोहोरा सगुन श्रेष्ठ, प्रकाश तामाङ्ग, स्वास्थ्य कर्मीहरु निरजना नेपाल, रमेश गौतम, रेनुका गिरी लगाएतका टोलीले सामाजीक दुरीमा रहेर स्वास्थ्य परिक्षण गरेका थिए ।

Facebook Comments Box