काभ्रे,
काभ्रेपलान्चोकको पनौती नगरपालिका–२ घर भएका शरद हुमागाईंको अहिले विश्वभरका नेपाली माझ चर्चा छ । उनले आफ्नो सपना पुरा गर्न सम्पुर्ण काभ्रेवासी एवं नेपालीहरु समक्ष सहयोग मागि रहेका छन् । उनलाई भोट गरेर सहयोग गर्नका लागि प्ले स्टोरबाट My Intra एप डाउनलोड गरि तथा httpsM÷÷merovoice=myintraapp=com #MeroVoiceUniverse #saradhumagai लिङ्क मार्फत सिधै भोट गर्न सकिनेछ । उमेरले भर्खरै २० पूरा भएका शरद सानैदेखि गित गाउन भनेपछि सारै खुसी हुन्थे । स्कुलका सबै कार्यक्रममा आफ्नो स्वरद्वारा सबैको मन जित्थे । आज उनै शरद विश्वका ५२ भन्दा बढी देशबाट प्रतियोगीतामा सहभागी ‘मेरो भ्वाइस युनिभर्सको टप १२’ मा पुग्न सफल भएका छ्न । आम काभ्रेलीवासीको पहिचान दिने गरि कुशादेविको भुगोललाई प्रतिनिधित्व गर्दै ऐतिहासिक एवम पुरातात्त्विक शहर पनौती नगरलाई चिनाउन शरदको सुमधुर आवाज सफल हुने विश्वासमा स्थानिय युवा दिपेश घिमिरे छन् । उनी भन्छन्, ‘शरदको कलाले पनौतीलाई विश्वभर चिनाउनेछ ।’
सांगितिक यात्रामा शरदले अहिलेसम्म कुनै गुरुमार्फत सिकेका छैनन । आफै घरमा साधना गर्ने र गुनगुनाउने गर्दथे । आज त्यही साधनाले उनलाई उचाईमा पु¥याउँदैछ । बालखैमा दुर्घटनाबाट बुवा गुमाएका शरद आमा र दिदीहरुको छहारीमा हुर्किए । उनका स्वर्गीय बुवासमेत गितका पारखी थिए । गित संगितमा आफ्नो रुची भएकै कारण पनि उनले छोरालाई त्यही क्षेत्रमा अघि बढ्न सानैदेखि प्रेरित गरिरहे । बुवा अस्ताए पनि आजका दिनमा शरदले त्यो सपना पूरा गर्दैछन् ।
नेपाली सांगितिक इतिहासमा मेरो भ्वाइस युनिभर्सको उपाधि उचाल्दै सुनौलो अक्षरमा आफ्नो नाम लेख्न शरद आतुर छन् । त्यो तब मात्रै सम्भव छ, जब विश्वभर रहेका आम नेपालीहरुले उनलाई साथ दिनेछ । त्यो साथ अहिले शरदले खोजिरहेका छन् ।
