काभ्रे,
आज रोशी गाउँपालिकाको नवौँ कार्यपालिका वैठक रोशी गाउँपालिकाको अध्यक्ष दिनेश लामाको अध्यक्षतामा सम्पन्न भएको छ । वैठकमा रोशी गाउँपालिकाको आन्तरिक नियन्त्रण प्रणाली निर्देशिका,२०७९ स्वीकृत गर्ने निर्णय गरियो, बाल अक्षय कोष (स्थापना र संचालन) कार्यविधि २०७९ स्वीकृत गर्ने निर्णय गरिएको छ । त्यसैगरी गाउँ कार्यपालिका अन्र्तगत रहने गरि विषयगत समितिहरुको प्रभावकारी कार्य सम्पादनको लागि विषयगत समिति संचालन कार्यविधि २०७९ छलफलको लागि कार्यपालिका वैठकमा पेश गरियो र विस्तृत अध्ययन पश्चात् आगामी कार्यपालिका वैठकमा स्वीकृतिका लागि पेश गर्ने निर्णय भएको छ ।
त्यसैगरी गाउँपालिकाको आन्तरिक लेखा परीक्षण सम्बन्धि कार्यविधि,२०७८ को दफा १० को उपदफा १ बमोजिम लेखापरीक्षण सहजीकरण समिति वडा नं ३ को वडा अध्यक्ष धनजीत लामाको अध्यक्षतामा अधिकृत छैठौ धनबिर तामाङ सदस्य, ईन्जिनियर भूपेन्द्र अधिकारी सदस्य, आन्तरिक लेखा परीक्षक चन्द्रवती श्रेष्ठ सदस्य सचिव रहने गरी गठन गर्ने निर्णय भएको छ । गाउँपालिकाको कार्यपालिका अन्तर्गत रहने विधेयक समिति गाउँपालिका उपाध्यक्ष मिम बहादुर वाईवाको संयोजकत्वमा वडा अध्यक्ष लालकुमार पाख्रिन सदस्य, कार्यपालिका सदस्य लक्ष्मीमाया तामाङ सदस्य, अधिकृत छैटौ धनवीर लामा सदस्य, न्यायिक सहजकर्ता वेवीडेजी गुप्ता सदस्य सचिव रहने गरी गठन गर्ने निर्णय गरिएको छ ।
त्यसैगरी गाउँपालिकाको विभिन्न क्षेत्रमा उत्पादन हुने फोहोरमैला व्यवस्थापनको लागि गाउँपालिका अध्यक्ष दिनेश लामाको संयोजकत्वमा उपाध्यक्ष मिम बहादुर वाईवा सदस्य, वडा नंम्बर १२ का वडा अध्यक्ष वसन्त तामाङ सदस्य, वडा नम्बर ७ का वडा अध्यक्ष अशोक कुमार गौतम सदस्य, वडा नम्बर ८ का वडा अध्यक्ष जीत बहादुर तामाङ सदस्य, वडा नम्बर ९ का वडा अध्यक्ष जनम तामाङ सदस्य, वडा नम्बर ११ का वडा अध्यक्ष लालकुमार पाख्रिन सदस्य सहने गरी गाउँपालिका स्तरीय फोहोर मैला व्यवस्थापन व्यवस्थापन कार्यदल गठन गर्ने निर्णय भएको छ ।
