रोशी–४ स्थित थानापाती सिल्देउ ठाकुर मन्दिरमा मगर जातिको विशेष पूजा सम्पन्न

काभ्रे÷रेडियो रोशी,

बर्षको एकपल्ट विशेष मेला लाग्ने गरेको रोशी गाउँपालिका वडा नं ४ स्थित थानापाती सिल्देउ ठाकुर मन्दिरमा आज विशेष पुजा सम्पन्न भएको छ । परापुर्वकाल देखिनै गरिदै आएको यस पुजा मगर समुदायहरुले विशेष पर्वकै रुपमा मनाउने गरेका छन् । बर्षको एकपल्ट मंसिर पुर्णेको दिन मात्र गरिने यस पुजामा तामाङ लगायतका अन्य समुदायका मानिसहरु पनि सहभागि भएर पुजा गर्ने गरीएको पुजामा सहभागि स्थानीय दावा तामाङले जानकारी दिनुभयो ।
मन्दिरका पूजारिहरु खड्क बहादुर राना मगर, भुपाल राना मगर एवम् स्थानीयहरुको सहभगितामा पुजा गरीएको हो । हरेक बर्ष वडा अध्यक्षको उपस्थितिमा पुजा गर्ने गरिएको छ । यो पुजा गर्नाले हरेक कामहरु सफल हुने जनविश्वास रहिआएको छ ।
पुजामा बोका र भाले बलि दिने परम्परा छ भने पुजामा महिलाहरु जान नहुने परम्परा रहिआएको छ । बलि दिईएको बोका, कुखुराको मासु मन्दिरमै भोज लगाएर खानुपर्ने तथा बाँकि बसेको मासु घरमा लिएर जान नहुने परम्परा रहेको तामाङले जानकारी दिनुभयो । पुजामा भक्तजनको बाक्लो भिड लागेको थियो । झन्डै ५०० भन्दा बढि भक्तजनहरुको उपस्थिति रहेको तामाङको भनाई छ ।