सामुदायिक विद्यालयले कुनै पनि बहानामा शुल्क लिएको पाइए कारवाही गर्ने सरकारको चेतावनी

काभ्रे,

सरकारले सामुदायिक विद्यालयले कुनै पनि बहानामा विद्यार्थीबाट शुल्क लिएको पाइए कारबाही गर्ने चेतावनी दिएको छ । शिक्षा, विज्ञान तथा प्रविधि मन्त्रालयले माध्यमिक तहसम्म निःशुल्क शिक्षा हुनुपर्ने भन्दै सामुदायिक विद्यालयले कुनै पनि बहानामा विद्यार्थीबाट शुल्क लिन नपाउने स्पष्ट पारेको हो ।
सामुदायिक विद्यालयले परीक्षा र भर्ना वापत शुल्क लिने गरेको गुनासो बढ्दै गएपछि सम्बोधन गर्ने क्रममा मन्त्रालयका प्रवक्ता दिपक शर्माले अनिवार्य तथा निशुल्क शिक्षा नियमावलीमा भएको व्यवस्था अनुसार सामुदायिक विद्यालयले भर्ना वापतको शुल्क, विद्यार्थीलाई पढाए वापतको शुल्क, परीक्षा वापतको शुल्क र किताब उपलब्ध गराए वापत शुल्क लिन नमिल्ने प्रष्ट पार्नुभयो । विद्यालयले ऐन विपरीत शुल्क लिदा अभिभावक तथा विद्यार्थी मर्कामा परेका छन् ।