काभ्रे,
धुलिखेल नगरपालिकाका मेयर अशोक कुमार श्रेष्ठ ब्याञ्जुले गृहमन्त्री रवि लामिछानेसँग भेट गर्नुभएको छ । आज मन्त्रालयमै पुगेर मेयर ब्याञ्जुले गृहमन्त्री लामिछानेसँग गर्नुभएको हो । भेटमा धुलिखेलको चार ठाउँमा प्रहरी चौकी राख्न माग गरिएको बताइएको छ । वडा नम्बर १ देबीटार, वडा नम्बर २ रविओपी, वडा नम्बर १० बतासे र वडा नम्बर १२ बतासेमा प्रहरी चौकीको ब्यवस्था गरिदिन गृहमन्त्रीसँग मेयर ब्याञ्जुले आग्रह गर्नुभएको छ ।
प्रहरी चौकीका लागि अनुरोध पत्र लिएर मेयरसँगै वडा नम्बर ३ का वडा अध्यक्ष गणेश आचार्य समेत गृहमन्त्रीलाई भेट्न पुग्नुभएको थियो । भेटमा मेयर ब्याञ्जुले गृहमन्त्री लामिछानेसँग धुलिखेल नगरपालिकाले विकास निर्माणमा गरिरहेको नयाँ आयमका बारे समेत जानकारी गराउनुभएको थियो ।
