काभ्रे,
फेन्दे फाउण्डेसनले काभ्रेपलाञ्चोक जिल्लाको विकट खानीखोला गाउँपालिकालाई एम्बुलेन्स हस्तान्तरण गरेको छ । हिजो (सोमबार) धुलिखेलमा एक कार्यक्रमको आयोजना गरी फाउण्डेशनका डाइरेक्टर खेन्पो छ्योनी रङड्रोलले पालिका अध्यक्ष ईन्द्र बहादुर थिङ (छिन्ताङ) लाई एम्बुलेन्सको चाबी हस्तान्तरण गर्नुभएको हो । एम्बुलेन्स फलामेटार स्वास्थ्य चौकी अन्तर्गत सञ्चालन हुने बताईएको छ । हस्तान्तरण कार्यक्रममा स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर पुरुषोत्तम राज सेडाई, फाउण्डेशनका डाइरेक्टर खेन्पो छ्योनी रङड्रोल, गाउँपालिकाका प्रमुख प्रशासकीय अधिकृत एवं रोटरी क्लब अफ धुलिखेलका पदाधिकारीहरू उपस्थित रहेको थियो ।
