काभ्रे,
भारतीय गोलभेँडा नेपाली बजारमा भित्रिँदा किसान समस्यामा परेका छन । सर्लाहीको लालबन्दी बजारबाट तरकारी निकासी हुने देशका मुख्य बजारमा हिजोआज भारतीय गोलभेँडा छ्यापछ्याप्ती पाइन्छ । त्यस कारण नेपाली किसानको उत्पादनले बजार पाउन सकेको छैन ।जिल्लाका किसानले गोलभेँडा प्रतिक्रेट अर्थात २५ किलो गोलभेँडा १ सय ५० देखि २ सय रुपैयाँमा बेच्न बाध्य छन् ।
यसरी प्रतिकिलो ६ देखि आठ रुपैयाँमा बेच्नुपर्दा लागत नै उठाउन मुस्किल भएको लालबन्दी नगरपालिका–१० का प्रेम श्रेष्ठले गुनासो गर्नुभयो । सरकारले भने किसानको उत्पादन र बजारिकरणका लागि विभिन्न कार्यक्रम कार्यान्वयनमा ल्याएको दाबी गरेको छ । तर किसानले सुविधा नपाएको गुनासो गरिरहेका छन् ।
