काभ्रे,
काभ्रेको नमोवुद्ध नगरपालिका स्थित भकुण्डेवेशीमा रहेको मेथिनकोट अस्पतालमा सेवा विस्तार भएसँगै नागरिकले घरदैलोमै स्वास्थ्य सेवा पाउन थालेका छन् । स्वास्थ्य केन्द्रलाई प्रदेश सरकार मातहत ल्याएर सेवा विस्तार गरिएसँगै नमोवुद्ध नगरपालिका, रोशी गाउँपालिका, तेमाल गाउँपालिका लगाएत सिन्धुली, रामेछापका नागरिहरु बिरामी हुँदा धुलिखेल वा काठमाडौँ लैजानुपर्ने बाध्यता हटेको छ ।
२०५४ सालमा प्राथमिक स्वास्थ्य केन्द्रको रुपमा स्थापना भएको स्वास्थ्य संस्था अहिले प्रादेशिक अस्पताल बनेको छ । मेथिनकोट अस्पतालमा २४ सै घण्टा प्रयोगशाला, एक्स–रे, प्रसुती, तथा फार्मेशी सेवा उपलब्ध छ । अस्पतालमा पर्याप्त विशेषज्ञ चिकित्सक समेत उपलब्ध रहेको मेडिकल सुपरिटेन्डेन्ट डा.पुरुषोत्तमराज सेढाइले जानकारी दिनुभयो । मेथिनकोट अस्पतालमा सेवा विस्तार भएसँगै दैनिक करिब १ सय जना उपचार तथा स्वास्थ्य परामर्शका लागि पुग्ने गरेका छन् ।
