काभ्रे,
काभ्रे जिल्लाको नमोबुद्धमा नगरपालिकामा जलवायु अनुकुलन कार्यक्रममार्फत भएका नविनतम कार्य र असल अभ्यासको सार्क कृषि केन्द्रमार्फत कृषि अनुसन्धान केन्द्र अन्तर्गत विभिन्न ७ मुलुकका टोलीले अवलोकन तथा जानकारी लिन नमोबुद्ध नगरमा आएका छन् । सार्क कृषि केन्द्रमार्फत विभिन्न ७ मुलुक (बंगलादेश, भुटान, भारत, माल्दिभ्स, पाकिस्तानका, नेपालका कृषि वैज्ञानिक, कृषकहरुसहितको टोलीले नमोबुद्ध नगरपालिका जलवायु अनुकुलन कार्यक्रम मार्फत भएका नविनतम कार्य र असल अभ्यासको अवलोकन तथा जानकारी लिएका हुन । टोलीलाई नगरप्रमुख कुन्साङ लामाले खादा ओढाएर स्वागत गर्नुभएको थियो ।
टोलीले नमोबुद्ध २ कुँईकेल थुम्कामा संचालित जलवायु अनुकुलन सिकाई केन्द्रको अवलोकन तथा निरीक्षण गरेका छन् । यसका साथसाथै कोल्ड स्टोरको अवलोकन तथा सुकेको पानीको मुहान कसरी संरक्षण गर्न सकिन्छ भन्ने विषयमा समुदायसँग छलफल एवं अन्तरक्रिया समेत गरेका छन् । नमोबुद्धले थोरै क्षेत्रमा पनि व्यवस्थित ढंगले गरेको कार्यहरुको खुलेरै प्रसंशा भएको छ । टोलीले आगामी दिनहरुमा पनि नमोबुद्धमा भएका विभिन्न योजनाहरुको लागि साथ र सहयोग निरन्तर रहने प्रतिबद्धता जनाएका छन् । अवलोकनमा नगरप्रमुख कुन्साङ लामा, उपप्रमुख रत्न लामा, प्रमुख प्रशासकिय अधिकृत ईश्वरी प्रसाद शर्मा, वातावरण अधिकृत सन्तोष काफ्ले लगायतको उपस्थिति रहेको थियो ।
