नमोबुद्ध ११ मा श्रीमानको कुटपिटबाट घाइते दलित महिला वडा सदस्य बिकको मृत्यु

काभ्रे,

श्रीमानको कुटपिटबाट गम्भीर घाइते हुँनुभएको काभ्रेपलाञ्चोकको नमोबुद्ध नगरपालिका–११ की दलित महिला सदस्य ज्ञानी बिकको मृत्यु भएको छ । घरायझी झगडामा यही जेठ २९ गते ज्ञानीलाई श्रीमान् शम्भु बिकले कुटपिट गरेका थिए । गम्भीर घाइते हुनुभएको ४५ वर्षीय ज्ञानीको आज विहान उपचारको क्रममा धुलिखेल अस्पतालमा निधन भएको जिल्ला प्रहरी कार्यालयले काभ्रेपलाञ्चोकले जनाएको छ ।
श्रीमानको कुटपिटबाट ज्ञानीको टाउको र शरिरको विभिन्न भागमा गम्भीर चोट लागेको थियो । शम्भुलाई कुटपिट भएकै दिन पक्राउ गरिएको डिएसपी ढुण्डीराज न्यौपानेले जानकारी दिनुभयो । श्रीमतीको मृत्युपछि शम्भुलाई कर्तब्य ज्यान मुद्दामा प्रहरीले अनुसन्धान गरिरहेको छ । ज्ञानी अघिल्लो कार्यकालमा पनि दलित महिला वडा सदस्य निर्वाचित भएकी थिइन् ।