रोशी ८ का कृषकहरुलाई विषादी छर्ने कृषि सामग्री पम्प वितरण

काभ्रे,
रोशी ८ का कृषकहरुलाई विषादी छर्ने कृषि सामग्री पम्प वितरण गरिएको छ । गरिब सँग विश्वेश्वर कार्यक्रम अन्तर्गत रोशी गाउँपालिका वडा नं. ८ को सहयोग, रोशी गाउँपालिकाको कार्यालय अमलटारको समन्वयमा उक्त सामग्री वितरण गरिएको हो । कार्यक्रमबाट छनौट भएका जम्मा लक्षित परिवार संख्या ३४२, लैंगिक आधारमा लक्षित परिवार महिला २१५, पुरुष १२७, लक्षित परिवारको समूह संख्या १६ बाट छनौट भई जम्मा ५९ जना कृषकहरुलाई उक्त विद्युतिय पम्प वितरण गरिएको सामाजिक परिचालक ज्ञानीमाया लामाले जानकारी दिनुभयो । रोशी गाउँपालिका अध्यक्ष दिनेश लामाको प्रमुख आतिथ्यतामा कृषकहरुको आवश्यकताको आधारमा सामग्री वितरण गरिएको लामाले जानकारी दिनुभयो ।