काभ्रे,
देशका अधिकांश स्थानमा अधिकतम तापक्रम बढेकाले स्वास्थ्य सावधानी अपनाउन मौसमविद्ले सुझाव दिएका छन् । जल तथा मौसम विज्ञान विभागका अनुसार देशका विभिन्न ठाउँको तापक्रम ४० डिग्री सेल्सियससम्म पुगेको छ । यसले स्वास्थ्यमा समस्या निम्तन सक्ने भन्दै विभागले सचेत हुन सुझाव दिएको हो ।
यसैबीच पानी नपर्दा काठमाडौँं उपत्यकामा तुवाँलो अझै बढ्ने सम्भावना देखिएको छ । मौसम पूर्वानुमान महाशाखाका अनुसार आज देशका थोरै ठाउँमा पानी पर्ने सम्भावना छ । तर काठमाडौँ उपत्यकामा भने आज पानी पर्ने सम्भावना छैन । पानी नपर्दा उपत्यकामा तुँवालो अझै बढ्ने देखिएको मौसमविद् सजिना शाक्यले बताउनुभयो ।
