काभ्रे,
काभ्रे कम्युनिष्ट आन्दोनका पुराना नेता एवं पूर्व राज्यमन्त्री गोविन्द नाथ उप्रेतीलाई आर्थिक सहयोग हस्तान्तरण गरीएको छ । नेकपा (एकीकृत समाजवादी) का नेता एवं पूर्व सांसद शिव बहादुर देउजाले अमेरिकामा रहदै आउनुभएका आफ्नो छोरा राधाकृष्ण देउजा मार्फत प्राप्त आर्थिक सहयोग पूर्व राज्यमन्त्री उप्रेतीकै निवास भुम्लु गाउँपालिकामा पुगेर सहयोग हस्तान्तरण गर्नुभएको हो ।
हिजो (सनिबार) निवासमै पुगेर नेता देउजाले २ लाख ५२ हजार ६४० रुपैयाँ उप्रेतीलाई हस्तान्तरण गर्नुभएको हो । सच्चा कम्युनिष्ट सिद्धान्तमा अडिक नेता उप्रेती हाल स्वास्थ्य लाभ गरिरहनुभएको छ । आफ्नो उर्जाशील उमेर काभ्रे र कोशीपारी क्षेत्रका जनताको हितका निम्ती ठुलो योगदान रहेको छ । उप्रेतीको निवासमा सबिधान सभा सदस्य बिदुर सापकोटा, नेकपा एसका काभ्रे जिल्ला इन्चार्ज एवं मण्डनदेउपुर नगरपालिका मेयर टोक बाहादुर वाइबा, मुकुन्द गौतम पुग्नुभएको थियो ।
