काभ्रे,देबराज उप्रेती,
नमोबुद्ध नगरपालिका वडा नं ७ भकुण्डेबेशीँमा अवस्थित श्री नव प्रतिभा अङ्ग्रेजी माध्यमीक विद्यालयको ४७ औं वार्षिकोत्सब भब्यताकासाथ सम्पन्न भएको छ । नमोबुद्ध नगरपालिका प्रमुख कुन्साङ लामाको प्रमुख आतिथ्यतामा कार्यक्रमको शुभारम्भ भएको हो । विद्यालयमा हाल लगभग ४०० जना विद्यार्थीहरु अध्ययनरत रहेका छन् । विद्यालयको ४७ औं वार्षिकोत्सबकै अवसरमा आज SEE परिक्षा उत्तिर्ण गरेका विद्यार्थीहरुहरुलाई सम्मान तथा बिदाई पनि गरीएको छ । कोरोना माहामारीको कारण २०७६ साल देखी २०७९ सम्मका विद्यालयबाट SEE परिक्षा उत्तिर्ण गरेका विद्यार्थीहरु ३८ जनालाई आज एकमुष्टमा सम्मान गरिएको हो ।
विद्यालयको वार्षिकोत्सव कार्यक्रममा शुभकामना सन्देश दिनुहुँदै नगरप्रमुख कुन्साङ लामाले विद्यालयले पठनपाठन कार्यमा गरेको कार्यहरु प्रशंसनीय रहेको बताउँनुभयो । केहि समय अघि नगरमा भएको शिक्षा सम्मेलनमा नगर भित्र रहेका निजी विद्यालयहरुको चौतर्फि विकासको निम्ति आफुले विभिन्न प्रस्तावहरु गरेको स्मरण गराउनुभयो । नेपालको सबैभन्दा बढि बजेट शिक्षा क्षेत्रका रहेको बताउँदै उँहाले सरकारी विद्यालयहरुले बालबालिकाहरुको गुणस्तरीय शिक्षामा अझ धेरै शसक्त ढँगबाट अघि बढ्नुपर्नेमा जोड दिनुभएको छ । सरकारी विद्यालयको तुलनामा निजी विद्यालयमा अनुशासन र शिक्षा दुबै पक्ष गुणस्तरीय हुँने उँहाले तर्क गर्नुभयो । बालबालिकाहरुको पहिलो शिक्षक अभिभावक हुने भएकाले आफ्नो बालबालिकाप्रति विशेष चासो दिनपर्नेमा उँहाले जोड दिनुभएको छ । विद्यालयमा विद्यार्थिहरुलाई घोकन्ते शिक्षा प्रणालिलाई भन्दापनि व्यवहारिक शिक्षा दिन सके अझ प्रभावकारी हुने उँहाले बताउँनुभयो । कार्यक्रममा विद्यार्थीहरुहरुको नृत्य, गायन,नाटक एवं अन्य मनोरन्जनको बिधामा बेजोड प्रस्तुती रहेको थियो ।
नगरप्रमुख कुन्साङ लामाको प्रमुख आतिथ्यतामा भएको कार्यक्रममा वडा नं ७ का वडा अध्यक्ष धर्म सिं लामा, नमोबुद्ध चेम्बर अफ कमर्सका अध्यक्ष बिदुर प्रसाद बर्ताैला युवा नेता तथा मोटिभेस्नल स्पिकर निगम हुँमागाई, शिक्षाप्रेमि ब्यक्तित्वहरु लगायत अभिभावकहरुको उपस्थिती रहेको थियो ।
