रोशीमा खाद्य प्रशोधन सम्बन्धि तालिम सञ्चालन

रोशी गाउँपालिकाको गरिबी निवारणका लागि लघु उद्यम विकास कार्यक्रम मार्फत रोशी ७ का महिलाहरुलाई खाद्य प्रशोधन सम्बन्धि तालिम सञ्चालन गरिएको छ । रोशी गाउँपालिकाको कार्यपालिका सदस्य रीता कोइरालको प्रमुख आतिथ्यतामा उक्त तालिम उद्घाटन भएको हो । उद्घाटन शत्रको क्रममा कार्यपालिका सदस्य कोइरालाले रोशीका महिलाहरुलाई तालिम प्रदान गरी सीप विकासमा अगाडि बढाउदै आर्थिक उपार्जनमा सहयोग पुर्याउने उदेश्यले तालिम प्रदान गरिएको बताउनुभयो । उक्त तालिममा अचार बनाउने, फुरन दाना बनाउने, दुनोट तथा बेकरीका सामग्रीहरु बनाउने तालिम प्रदान गरिएको जसमा खेर जान सक्ने खाद्य सामग्रीबाट प्रशोधन गरेर नयाँ खाद्य सामग्री निर्माण गर्ने उदेश्यका साथ उक्त तालिम प्रदान गरिएको लघु उद्यम सहजकर्ता मनिषा मोक्तानले जानकारी दिनुभयो । उक्त तालिम ७ दिन सम्म रहने सहजकर्ता मोक्तान ले जानकारी दिनुभयो ।