काभ्रे,
त्रिशूली नदिमा बेपत्ता दुईवटा बस र यात्रुको पानी भित्र हेर्न मिल्ने ड्रोन क्यामराबाट खोजी भैरहेको छ । ¥याफ्टबोटमा जडान गरेर पानीभित्रको वस्तुहरु हेर्न क्यामराले सहयोग पु¥याउने बताईएको छ । हिजो बिहानैबाट त्रिशूलीमा खसेका बस खोजिए पनि साँझसम्म नभेटिएकाले राति स्थगित गरिएको थियो । चितवनका प्रमुख जिल्ला अधिकारी इन्द्रदेव यादवले आज बिहान ८ बजेबाट बेपत्ता बस र यात्रु खोज्न सुरु गरिएको बताउनुभयो । उहाँले हिजो दिनभर खोजतलास गर्दा बस फेला पार्न नसकिएको बताउनुभयो । बेपत्ता भएका बस खोज्ने क्रममा नदीबाट गोताखोरको टोलीले बसमा लगाइएको पर्दा निकालेको छ । हिजो हुक लगाएर खोज्ने क्रममा एञ्जल डिलक्स बसमा लगाइएको पर्दा र एउटा ट्राउजर निकालिएको थियो ।
भरतपुर महानगरपालिका–२९ सिमलतालमा हिजो बिहान करिब ३ बजे वीरगञ्जबाट काठमाडौँतर्फ जाँदै गरेको बागमती प्रदेश–०३–००६ख १५१६ नम्बरको एञ्जल डिलक्स बस र काठमाडौँबाट गौरतर्फ जाँदै गरेको बागमती प्रदेश–०३–००१ख २४९५ नम्बरको बसलाई लेदोसहितको पहिराले त्रिशूलीमा बगाएको थियो ।
