काभ्रे,
अत्यावश्यक काम नपरी लामो यात्रा नगर्न सरकारले सबैसँग अनुरोध गरेको छ । लगातार झरी परेकाले बाढी, पहिरो र डुबानको जोखिम बढेको भन्दै अति आवस्यक काम नपरी लामो यात्रा नगर्न अनुरोध गरेको हो । पोखरा र चितवनमा घटना भए लगत्तै बसेको मनुसन पूर्वतयारी तथा प्रतिकार्य कमाण्ड पोष्टको आपतकालीन बैठकले अत्यावश्यकबाहेक लामो यात्रामा ननिस्कन सबैसँग अनुरोध गरेको हो ।
कमाण्ड पोष्टका संयोजक डा.भिष्म कुमार भुसालले गण्डकी, बाग्मती र लुम्बिनी प्रदेशमा अति जरुरी बाहेक लामो यात्रामा ननिस्किन अनुरोध गर्नुभयो । राष्ट्रिय विपद् जोखिम न्यूनिकरण तथा व्यवस्थापन प्रधिकरणका अनुसार देशभरका २ सय ४९ सडकखण्डमध्ये १६ वटा सडकखण्ड पूर्ण रुपमा बन्द भएका छन् । १सय २० सडकखण्डमा भने एकतर्फमात्रै गाडी गुडिरहेका छन् ।
