काभ्रे,
नमोबुद्ध –७ भकुण्डेबेँशीमा अवस्थित श्री नव प्रतिभा अङ्ग्रेजी माध्यमिक विद्यालयले दशैँ विशेष मौलिक दोहोरी प्रतियोगिताको आयोजना गरेको छ । नेपालीहरुको महान चाड बिजया दशमीको उपलक्ष्यमा विद्यालयले आज शुभकामना आदानप्रदान कार्यक्रम तथा दशैँ विशेष मौलिक दोहोरी प्रतियोगिताको आयोजना गरेको हो ।
प्रतियोगितामा हरियो सदन ( ग्रिन हाउस ) प्रथम, पहेँलो सदन ( एल्लो हाउस ) द्धितीय भएको छ । बिजेताहरुलाई प्रमाणपत्र सहित पुरस्कृत गरिएको छ । विद्यालयले आफ्नो मौलिक संस्कृति जोगाउन सम्पूर्ण विद्यार्थीहरुलाई टीका र जमरा पनि लगाएर शुभकामना आदानप्रदान गरेको छ ।
कार्यक्रममा विद्यार्थीहरुले विभिन्न साँस्कृतिक कार्यक्रमको आयोजना गरेका थिए । उक्त कार्यक्रम कक्षा ९ मा अध्ययनरत छात्राद्धय रेजिना मैनाली र उश्रेया अधिकारीले सञ्चालन गरेको विद्यालयका सह–प्रधानाध्यापक विवेक कुमार तामाङले जानकारी दिनुभयो ।
