काभ्रे,
ग्रामीण स्वास्थ्य र शिक्षा सेवा गुठी (रेष्ट) को परियोजनाले नमोबुद्ध नरपालिकाका भिभिन्न तीन वटा सामुदायिक विद्यालयका छात्राहरुलाई स्टेशनरी सामग्री तथा आर्थिक सहयोग हस्तान्तरण गरेको छ । रेष्ट परियोजनाले जिल्ला समन्वय समिति काभ्रेपलाञ्चोकका प्रमुख दिपक कुमार गौतमको प्रमुख आतिथ्यतामा हिजो नमोबुद्ध नगरपालिका भित्रका तीन वटा सामुदायिक विद्यालयका छात्रालाई स्टेशनरी सामग्री एवम् आर्थिक सहयोग हस्तान्तरण गरेको हो ।
परियोजना अन्तर्गत नगरभित्रको जनक मावि, श्रीकृष्ण आधारभूत विद्यालय र संसारीदेवी आधारभूत विद्यालयका छात्रालाई स्टेशनरी सामग्रीका साथै आर्थिक सहयोग हस्तान्तरण गरिएको हो । रेष्टले काभ्रेपलाञ्चोक जिल्लाको २२ वटा विद्यालयका ५२० जना छात्रालाई सहयोग प्रदान गर्दै आइरहेको छ ।
स्टेशनरी र आर्थिक सहयोग हस्तान्तरण कार्यक्रममा नमोबुद्ध नगरपालिकाको शिक्षा शखाका विरेन्द्र साउद, परियोजनाका प्रतिनिधिहरु , विद्यालयका प्रधानाध्यापक, विद्यालय ब्यवस्थापन समितिका पदाधिकार, बिभिन्न वडाका वडा अध्यक्ष लगायतको सहभागिता रहेको थियो ।
