काभ्रे,देबराज उप्रेती,
काभ्रेपलाञ्चोक जिल्लाको नमोबुद्ध नगरपालिकाले भोलि (शुक्रबार) आफ्नो ९ औं बार्षिक उत्सब मनाउदै छ । जिल्ला समन्वयन समिति प्रमुख दिपक कुमार गौतमको प्रमुख आतिथ्यता एवं उपप्रमुख रिम बहादुर तामाङको बिशेष आतिथ्यतामा विभिन्न कार्यक्रमहरुको आयोजना गरि नमोबुद्धले भोलि ९औं बार्षिक उत्सब मनाउन लागेको हो । अघिल्ला बर्षहरुको बार्षिक उत्सबको दिन नगरका सम्पुर्ण कार्यहरु प्रभावित एवं स्थगित भएपनि भोलिको बार्षिक उत्सवमा भने नगरका कुनैपनि कार्यहरु प्रभावित नहुने भएको छ । बिहान नगरका नियमित कार्यहरु सञ्चालन गरि दिउँसो २ बजेदेखि कार्यक्रममको सुभारम्भ गरिने बताईएको छ ।
कार्यक्रमको अवसरमा भोलि करदाता सम्मान,महिला स्वयमसेविका सम्मान तथा काभ्रेपलाञ्चोक जिल्लालाई देशभर चिनाउन सफल वडा नं ७ का Supper dancer nepal winner सिद्धार्थ श्रेस्ठ र वडा नं ९ निवासि Miss national nepal 2022 winner अनिसा श्रेस्ठलाई सम्मान गर्ने कार्यसुची रहेको छ । २०७१ साल मंसिर १६ गते स्थापना भएको यस नमोबुद्ध नगरपालिकाले नगरवासिहरुलाई छिटो,छरितो एवं सहज तरिबाट सेवा प्रदान गदै आईरहेको छ ।
