काभ्रे,
आज विश्व उच्च रक्तचाप दिवसको अवसरमा नेपाल सरकारले काभ्रेपलान्चोक जिल्लामा विशेष कार्यक्रमको आयोजना गर्ने भएको छ । विश्व स्वास्थ्य संगठन (डब्लुएचओ) को सहयोगमा नेपाल सरकारले नेपालमै पहिलो पटक काभ्रेपलाञ्चोक जिल्लामा आजबाट ‘काभ्रेपलाञ्चोक उच्च रक्तचाप हेरचाह ब्यवस्थापन पहल’ कार्यक्रम सञ्चालन लागिएको हो । ।
स्वास्थ्य कार्यालय काभ्रेका प्रमुख डा. पुरुषोत्तम सेढाईँले जिल्लाको कुल जनसंख्या ३० हजार बढी नागरिकमा उच्च रक्तचापको समस्या रहेको बताउनुभएको छ । जिल्लामा १८ वर्षमाथिका ५१ हजार २८१ जनामा उच्च रक्तचापको समस्या देखिएको छ । यसमध्ये सबैभन्दा बढी बनेपा नगरपालिकामा नौ हजार चार सय ८२ उच्च रक्तचापका बिरामी रहेको स्वास्थ्य कार्यालय काभ्रेका प्रमुख सेढाईंले बताउनुभयो । काभ्रेमा सिकेको अभ्यासका आधारमा देशका अन्य जिल्लामा समेत यो कार्यक्रम विस्तार गरिने सरकारको तयारी छ ।
