काभ्रे,
मङ्सिर ४ गते भएको मतदान निष्पक्ष नभएको निष्कर्ष निकाल्दै निर्वाचन आयोगले पुनः मतदानको घोषणा गरेसँगै दोलखाका १० वटा निर्वाचन केन्द्रमा आज पुनः मतदान भइरहेको छ । आज वैतेश्वर गाउँपालिका वडा नम्बर ६ नाम्दुस्थित वैतेश्वर माध्यमिक विद्यालय मतदान केन्द्र ’क’, ’ख’ र ’ग’, वैतेश्वर गाउँपालिकाकै वडा नम्बर २ स्थित जनज्योति माध्यमिक विद्यालय पुतलीकाठ मतदान केन्द्र ’क’ र ’ख’ तथा तामाकोशी गाउँपालिका वडा नम्बर ३ हेल्थपोस्ट भवन जफे मतदान केन्द्र ’क’ र ’ख’ गरी ७ (सात) वटा केन्द्रमा मतदान भइरहेको छ ।
त्यस्तै, वैतेश्वर गाउँपालिका वडा नम्बर ३ कालिढुङ्गा माध्यमिक विद्यालय मतदान केन्द्र ’क’, ’ख’ र ’ग’ मा १ सय मतपत्रको अर्धकट्टी हराएपछि आज पुनः मतदान भएको हो ।
