काभ्रे,
ड्युटीमा रहेका प्रहरी कर्मचारीलाई आर्थिक प्रलोभनमा पार्न खोज्ने रोशी–८ का सानुकान्छा तामाङलाई प्रहरीले नियन्त्रणमा लिएको छ । धुलिखेल नगरपालिका वडा नमबर ११ अस्थायी प्रहरी पोष्ट काभ्रेभन्ज्याङ अगाडि ट्राफिक प्रहरी सहितको संयुक्त चेकिङ क्रममा तामाङलाई आर्थिक प्रलोभनमा पार्न खोजेको भन्दै प्रहरीले पक्राउ गरेको हो ।
धुलिखेलबाट भकुण्डे तर्फ आउँदैै गरेको बा.प्र.०२–०३७ प ०९९७ नम्बरको स्कुटरलाई चेकिङको क्रममा सवारी चालक अनुमति पत्र माग्दा पटक–पटक मेरो लाईसेन्स यो हो भनि तामाङले बिलबुक भित्र नेपाली १ हजार रुपैयाँ राखी डिउटीमा खटिएको प्रहरी कर्मचारीलाई आर्थिक प्रलोभन देखाई प्रभावमा पार्न खोजेको भन्दै पक्राउ गरिएको प्रहरीले जनाएको छ ।
तामाङले ड्युटीमा रहेका प्रहरी कर्मचारीलाई कर्तव्यपथबाट बिचलित गर्न दुरुत्साहान गर्ने कोशिस गरेको प्रहरीको दाबी छ । तामाङमाथि थप अनुसन्धान कार्य भईरहेको प्रहरीले जनाएको छ ।
