काभ्रे,
काभ्रे जिल्लाको विकट क्षेत्रमा पर्ने महाभारत गाउँपालिकाको देवीटारमा नवनिर्मित ईलाक प्रहरी कार्यालय देविटारको भवन समुदघाटन गरिएको छ । प्रदेश सरकार आन्तरिक मामिला तथा कानुन मन्त्रालय बागमती प्रदेशको आर्थिक सहयोगमा निर्मित ईलाका प्रहरी कार्यालय देबिटार भवन बागमती प्रदेश प्रहरी प्रमुख किरण बज्रचार्यले उद्धघाटन गर्नुभएको हो । भवन उद्घाटन कार्यक्रममा महाभारत गाउँपालिकाका अध्यक्ष कान्छालाल जिम्बा, उपाध्यक्ष सागर मोक्तान, जिल्ला प्रहरी कार्यालय काभ्रेपलाञ्चोकका प्रमुख प्रहरी उपरीक्षक चक्रराज जोशी, प्राविधिक प्रहरी उपरीक्षक ईश्वर थापा, महाभारत गाउँपालिकाका प्रमुख प्रशासकिय अधिकृत हरि सिंह बिष्ट सहभागि हुनुभएको थियो । त्यस्तै ईलाका प्रशासन कार्यालयका प्रमुख राम प्रसाद शर्मा, वडा नम्बर ६ का वडा अध्यक्ष रमेश कुमार लुङगेली, वडा नम्बर ७ का वडा अध्यक्ष खड्ग बहादुर श्रेष्ठ सहभागि हुनुभएको थियो ।
कार्यक्रममा प्रहरी ईलाका प्रहरी कार्यालय देविटारको भवन निर्माणका लागि जग्गा उपलब्ध गराउने जग्गा दातालाई कदर पत्र र भवन निर्माण कार्यमा सहयोग गर्ने व्यक्तिलाई प्रशंसा पत्रद्वारा सम्मान गरिएकोे छ । मुल्य अभिबृद्धि कर सहित २ करोड ७१ लख ७० हजार ८६० रुपैयाँमा भवन निर्माण पुरा भएको हो । नयाँ भवन बनेपछि सेवा प्रवाहमा सजिलो भएको छ ।
