काभ्रे,
काभ्रे जिल्लाको नमोबुद्ध नगरपालिका वडा नं १ श्यामपाटी स्वास्थ्य चौकीमा निःशुल्क एक दिने आँखा शिविर सम्पन्न भएको छ । लायन्स क्लब अफ काठमांडौ कञ्चनजंघाको आयोजनामा आज नमोबुद्ध नगरपालिका वडा नं १ स्थित श्यामपाटी स्वास्थ्य चौकिमा आँखा शिविर संचालन भएको हो । नेपाल आँखा अस्पताल त्रिपुरेश्वरका आउटरिड डायरेक्टर डा.ईन्द्र प्रसाद ढुङ्गेलको टोलीले आँखाको परिक्षण गरेका थिए । १२ देखि ८० बर्षसम्मका मानिसहरुको आँखा परिक्षण गरिएको छ ।
निःशुल्क एक दिने आँखा शिविरबाट ११७ जना लाभान्विंत भएका छन् । आँखामा समस्या देखिएकाहरुलाई निःशुल्क चस्मा र आँखाको औषधि वितरण समेत गरिएको छ । यसैविच लायन्स क्लब अफ कञ्चनजंघाले नमोबुद्ध नगरपालिकालाई एकथान एम्बुलेन्स हस्तान्तरण गरेको छ । आज बनेपामा आयोजित एक कार्यक्रमका विच लायन्स क्लब अफ कञ्चनजंघाले नगरप्रमुख कुन्साङ लामालाई एम्बुलेन्सको चाबी हस्तान्तरण गरेको हो ।
