काभ्रे,
काभ्रेपलाञ्चोक जिल्लाको रोशी गाउँपालिकामा जंगलको डढेलो बस्तीमा पस्दा करोडौँको आर्थिक क्षति भएको छ । हिजो पालिकाको वडा नम्बर ४ महादेवटार सामुदायिक जंगलको डढेलो बस्तीमा पस्दा १५ वटा घर जलेर नष्ट भएका छन् । आगलागीबाट १५ घर, १० गोठ र ८ वटा शौचालय जलेका छन् । आगलागीमा कुनै मानवीय र पशुचौपायको क्षति भने भएको छैन् तर घरभित्र रहेका अन्न, लत्ताकपडा लगायत चलअचल सम्पत्ति पूर्ण रुपमा जलेर नष्ट भएको छ ।
आगलागीबाट रोशी गा.पा.वडा नं.४ सानो पोटा बस्ने वर्ष ४२ को प्रेम तामाङको ढुङगा माटो र काठले बनेको जस्ताले छाएको ४ कोठाको १ तले घर, काठले बनेको २ वडा गोठ, चाँदीको पैसा २ पाथी,नगत ७लाख,सुन३ तोला,लत्ताकपडा,भाँडा वर्तन गरी (चालिस लाख) बराबरको क्षती भएको छ ।
त्यसैगरी जनक तामाङको ढुङगामाटोले बनेको जस्ताले छाएको २ तले घर ,गोठ र ट्वाइलेट भाँडा वर्तन ,अन्नपानी र लत्ताकपडा अं.मु जम्मा–२८,००,००० (अठ्ठाइस लाख) बराबरको क्षती भएको छ ।
राम ब.तामाङको जस्ताले छाएको २ तले घर ,गोठ र ट्वाइलेट भाँडा वर्तन ,अन्नपानी र लत्ताकपडा पुरानो पैसा नगद ५५००० हजार गरी अं.मु जम्मा–३९०००००) बराबरको क्षती भएको छ । सत्यलाल तामाङको घर २ वटा घर गोठ र ट्वाइलेट भाँडा वर्तन,अन्नपात,लत्ताकपडा ,खाट र दराज अन्नपात टि.भि.र डिसहोम गरी २७ लाख पचास हजार बराबर क्षेती भएको छ ।
तिर्थ लाल तामाङको २ तले घर, गोठ र ट्वाइलेट भाँडा वर्तन,अन्नपात,लत्ताकपडा र सरसामानहरु गरी जम्मा अन्दाजी १७ लाख, धन काजि तामाङको भुकम्प राहात घर २तले पुरानो घर २ वटा गोठ र ट्वालेट हजारभाँडा वर्तन, अन्नपात, लत्ताकपडा गरी जम्मा अं.मु.१६लाख ८० हजार बराबरको क्षति भएको छ ।
त्यस्तै पदम ब.तामाङ को २ तले कच्ची घर २ वटा भाँडा वर्तन,अन्नपात,लत्ताकपडा र सरसामानहरु गरी जम्मा अं.मु.१३ लाख , प्रशान्त थिङ तामाङको२ तले पक्की घर किराना पसल र खाद्यन्न समानहरू नगत २लाख गरी जम्मा अं.मु.२४लाख , माया तामाङको १ तले घर भाँडा वर्तन,अन्नपात,लत्ताकपडा र सरसामानहरु जम्मा अं.मु.६लाख ५०हजार , पल ब.तामाङको १वटा पक्की घर भाँडा वर्तन,अन्नपात,लत्ताकपडा र सरसामानहरु गरी अं.मु.११ लाख पचास हजार र साईली माया तामाङको १ वटा कच्ची घर(पुर्ण क्षती) भाँडा वर्तन,अन्नपात,लत्ताकपडा र सरसामानहरु गरेर जम्मा अं.मु.–३ लाख ५० हजार बराबरको क्षति भएको छ । ११ जनाको गरी १५ वटा घर जलेको थियो ।
