काभ्रे,
काभ्रे जिल्लाको धुलिखेल नगरपालिकाबाट गाई काटेको आरोपमा ३ जना पक्राउ परेका छन् । धुलिखेल १२ ठूलीचौर जंगलमा गाई काटेर बोरामा मासु लिएर नमोबुद्ध नगरपालिका वडा नम्बर ११ तर्फ लिएर जाँदै गरेको भन्ने सूचनाका आधारमा पुगेको प्रहरीले ३ जनालाई पक्राउ गरेको जिल्ला प्रहरी कार्यालय काभ्रेका डिएसपी राजकुमार श्रेष्ठले जानकारी दिनुभयो ।
पक्राउ पर्नेहरुमा नमोबुद्ध नगरपालिका वडा नम्बर ११ ज्यामिरेका ५६ बर्षीय ईन्द्र बहादुर तामाङ, ३५ बर्षीय शान्ता लामा र झापा घर भई काभ्रेका डाँडा कटेरी माईती घरमा बस्दै आएकी ३६ बर्षीय ठुली माया तामाङ रहेको प्रहरीले जानकारी दिएको छ । उनीहरुलाई प्रहरी टोलीले गाईको मासु बोरामा पोको पारी लिई हिँडिरहेको अवस्थामा फेला पारेको थियो । घटनाको थप अनुसन्धान भैरहेको छ ।
