काभ्रे,
विजयोत्सव मनाउन नेकपा एमालेका अध्यक्ष केपी शर्मा ओली आज इलाम जाँदै हुुनुहुन्छ । गत शनिबार भएको उपनिर्वाचनमा इलाम क्षेत्र नम्बर २ मा एमालेका उम्मेदवार सुहाङ नेम्वाङ विजयी भएपछि विजयोत्सव मनाउन उँहा इलाम जान लाग्नुभएको हो । आज दिउँसो १ बजे इलाम चोकबजारमा आयोजना हुने विजयसभालाई अध्यक्ष ओलीले सम्बोधन गर्ने कार्यक्रम रहेको छ ।
इलाम–२ मा भएको उपनिर्वाचनमा एमालेका सुहाङ २७ हजार ७७२ मत प्राप्त गरी विजयी भएका हुनुभएको हो । उँहाले नेपालीे कांग्रेस उम्मेदवार डम्बर खड्काको भन्दा ५ हजार ८३० मत बढी प्राप्त गर्नुभएको छ ।
२०७९ सालको प्रतिनिधिसभा सदस्यमा निर्वाचित एमाले सांसद सुवासचन्द्र नेम्वाङको गत भदौ २६ गते निधन भएपछि सो क्षेत्रमा उपनिर्वाचन भएको हो । सुहाङ स्वर्गीय सुवा नेम्वाङका छोरा हुन् ।
