अवरुद्ध भएको राहदानी विभागको सेवा सञ्चालनमा

काभ्रे,

कम्प्युटर प्रणालीमा समस्या देखिएर अवरुद्ध बनेको राहदानी सेवा पूर्ण रूपमा सुचारु भएको छ । सोमबार साँझ विभागले सूचना जारी गर्दै सेवा सुचारु भएको जानकारी गराएको हो । राहदानी आवेदन प्रणालीसँग सम्बन्धित केही कम्प्युटरहरूमा भाइरस प्रवेश गरेकाले राहदानी सेवा अवरुद्ध भएको थियो । सेवा सुचारु भएकाले सेवा लिन चाहनेले अनलाइन फाराम भरी विभागमा आवेदन दिन सक्ने व्यवस्था मिलाइएको विभागले जनाएको छ । जिल्ला÷इलाका प्रशासन कार्यालयहरू तथा विदेशस्थित नेपाली नियोगहरूमा क्रमशः सेवा विस्तार गरिने पनि विभागले उल्लेख गरेको छ ।
यसअघि आवेदन गरिसकेका (बायोमेट्रिक समेत) सेवाग्राहीको राहदानी छपाई कार्य नियमित प्रक्रियाबाट भइरहेको र सम्बन्धित जिल्ला÷इलाका प्रशासन कार्यालयहरू तथा विदेशस्थित नेपाली नियोगहरूमा पठाउन सुरु गरिएको विभागको विज्ञप्तिमा उल्लेख छ । यसअघि विभागले सूचना जारी गर्दै सेवा पूर्णरुपमा सञ्चालनमा आउनअझै एक–दुई साता लाग्नसक्ने अनुमान गरेको थियो ।